🌿निसर्ग… माझा गुरु

सुगरण पक्ष्याच्या घरट्यातून शिकलेली जिद्द आणि चिकाटी

निसर्ग माणसाला खूप काही शिकवतो. त्याच्या प्रत्येक रूपातून जीवनाचा एखादा नवा धडा मिळत असतो. तुम्ही या सुंदर निसर्गाकडून काय शिकलात? मला माहित नाही; पण मी मात्र निसर्गाकडून खूप काही शिकलो आहे.
सुगरण पक्ष्याचे घरटे माझ्या आयुष्याची एक सुंदर प्रेरणा ठरले आहे. या छोट्याशा पक्ष्याकडून मी जिद्द, चिकाटी आणि पुन्हा उभं राहण्याची ताकद शिकलो. पक्ष्याने बांधलेले घरटे उध्वस्त करण्यासाठी अनेकदा वादळे येतात; मात्र प्रत्येक संकटानंतर तो पुन्हा नव्याने आपले घरटे बांधतो. परिस्थिती कितीही कठीण असली तरी हार न मानण्याचा संदेश हा पक्षी आपल्याला देतो.
२०२३ मध्ये प्रकाशित झालेल्या ‘ABC डायरी’ या माझ्या पुस्तकाच्या मुखपृष्ठावरही सुगरण पक्ष्याचा फोटो आहे. या पक्ष्याकडून मला खूप काही शिकायला मिळाले आणि म्हणूनच त्या पुस्तकात सुगरण पक्ष्यावर जवळपास सहा प्रकरणे लिहिली आहेत.
निसर्ग मला सतत काही ना काही शिकवत गेला आणि त्यातूनच माझे साहित्य अधिक समृद्ध होत गेले.