JBN Maharashtra

वाकडी.ता.जामनेर.दि.२६/०७/०२५ आज वाकडी गावांमध्ये प्रथमच मॅरेथॉन स्पर्धेचे आयोजन करण्यात आले होते, वाकडी येथील सामाजिक कार्यकर्ते प्रविण गायकवाड व ग्रामस्थांच्या सहभागातून घेण्यात आले, यावेळी स्पर्धांचे उद्घाटन फत्तेपूर पोलीस स्टेशनचे सहाय्यक पोलिस निरीक्षक अंकुश जाधव यांच्या हस्ते फित कापून करण्यात आले,यावेळी अंकुश जाधव यांनी हिरवी दिंडी दाखवून स्पर्धाला सुरुवात करण्यात आली, उद्घाटन प्रसंगी उपस्थित मान्यवर यामध्ये अनिसचे जिल्हा सचिव प्रल्हाद बोराडे,लक्ष अकॅडमीचे संचालक जळगाव पोलीस निलेश जाधव, सामाजिक कार्यकर्ते राहुल मुळे, रमेश गायकवाड, पोलीस पाटील घनश्याम पाटील, शिक्षक प्रेमी विनोद तेली,अहजर तांबोळी,विजय राजपूत, राजेंद्र भोई, अतुल पाटील, शब्बीर तडवी, अनिल जाधव,रवी परदेशी,कुणाल बारबुदे, निलेश वाणी, देशदूत प्रतिनिधी ज्ञानेश्वर वंजारी,व रनर गृपचे सदस्य प्रथमच होत असलेल्या स्पर्धांसाठी तालुक्यातील व जिल्हा भरातून इगतपुरी नाशिक बुलढाणा, येथून आलेले स्पर्धक यामध्ये मुला व मुलीसह एकुण ७० ते ८० स्पर्धकांनी सहभाग नोंदविला असता, स्पर्धेचे ठिकाण तळेगाव रोड पाच किलोमीटर पर्यंत ठेवण्यात आले होते,सर्व आलेल्या स्पर्धकांनी आपले प्राविण्य दाखवत जिंकण्यासाठी प्रयत्न केले, यापैकी मुलांमधून पाच व मुली मधून पाच स्पर्धक यशस्वी झाले, यावेळी यशस्वी झालेल्या स्पर्धकांना रोख बक्षीस व ट्राॅफी पोलीस निरीक्षक अंकुश जाधव यांच्या हस्ते देण्यात आली, यावेळी अंकुश जाधव यांनी आपले मनोगत व्यक्त करताना या स्पर्धेमुळे मुलांना चैतन्य निर्माण होऊन स्पर्धा परीक्षांसाठी अतिशय छान असा उपक्रम राबविल्याबद्दल त्यांनी ग्रामस्थांचे कौतुक करुन पुढील काळात मुख्यमंत्री यांनी घोषित केलेल्या पोलीस भरतीसाठी स्पर्धकांना नक्कीच फायदाचे ठरेल असे त्यांनी व्यक्त केले, स्पर्धक मुलांसाठी बक्षीस देणारे प्रथम आलेले इगतपुरीचा ऋषिकेश वावरे आला ३००० हजार व द्वितीय आलेला तेजश सपकाळे,याला २००० हजार देण्यात आले, तसेच तळवेल बक्षीस सामाजिक कार्यकर्ते प्रविण गायकवाड यांच्या कडून तृतीय आलेला शुभम ओलांडे, देण्यात आले,चतुर्थ आलेला आदित्य येवले यांना देण्यात आले, जळगाव राजेंद्र भोई व ट्राॅफी देणारे बजरंग दल वाकडी स्पर्धक मुलींसाठी प्रथम बक्षीस जानवी रोजोदे जळगाव हिला अनिल जाधव पहूर यांच्या हस्ते पंधराशे रोक देण्यात आले, यावेळी स्पर्धकांच्या आरोग्याची काळजी घेत तालुका वैद्यकीय अधिकारी डॉ.राजेश सोनवणे, यांच्या मार्गदर्शनाखाली स्पर्धकांच्या पाठोपाठ राहून अम्बुलन्स सेवा जावेद तडवी, रुपाली जोनवाळ,व आरोग्य कर्मचाऱ्यांनी सहकार्य केले, दूर आलेल्या स्पर्धकांना भोजनाची व्यवस्था प्रविण गायकवाड व राजेंद्र भोई यांनी केली, यावेळी रनर गृपच्या सर्व सदस्यांनी सहकार्य केले.

कामगारांना गृहपयोगी वस्तूंचे वाटप, पहूर येथील कार्यक्रम यशस्वी पहूर प्रतिनिधी: महाराष्ट्र इमारत व इतर बांधकाम कामगार कल्याणकारी मंडळाच्या वतीने पहूर येथे गृहपयोगी वस्तू वाटपाचा कार्यक्रम यशस्वीरित्या पार पडला. जलसंपदा मंत्री गिरीश भाऊ महाजन यांच्या हस्ते वाटपाचा कार्यक्रम सुरू झाला स्थानिक कार्यकर्त्यांच्या अथक परिश्रमामुळे आणि नियोजनबद्ध कामामुळे शेवटच्या व्यक्तीपर्यंत भांडी पोहोचू शकली, ज्यामुळे कामगारांच्या चेहऱ्यावर समाधान दिसून आले.कार्यक्रमाच्या सुरुवातीच्या दोन-तीन दिवसांत नागरिकांनी मोठी गर्दी केल्याने काही प्रमाणात गोंधळ निर्माण झाला होता. मात्र, स्थानिक कार्यकर्ते, नेते आणि पुढारी यांनी परिस्थितीचे गांभीर्य ओळखून अहोरात्र मेहनत घेतली. गर्दीचे योग्य नियोजन करून, प्रत्येक पात्र लाभार्थ्याला गृहपयोगी वस्तू मिळाल्याची खात्री केली. ऑनलाईन नोंदणी केलेल्या शेवटच्या व्यक्तीपर्यंत भांडी पोहोचवण्यात आली, याचे समाधान लाभार्थ्यांमध्ये स्पष्टपणे दिसत होते.याप्रसंगी खालील कार्यकर्ते व पदाधिकाऱ्यांनी मेहनत घेतलीपहूर भारतीय जनता पक्ष कार्यालयांचे प्रमुख राहुल ढेंगाळे, व सरपंचपती शंकर जाधव, उपसरपंच राजू जाधव, चेतन रोकडे,जिल्हा दूध संघाचे संचालक अरविंद देशमुख तसेच वासुदेव घोंगडे, रामेश्वर पाटील, समाधान पाटील, राजेंद्र पांडे, शाम सावळे, महेश पाटील, लक्ष्मण गोरे, ईश्वर बारी, सलीम शेख, भारत पाटील, संदीप बेढे, मधुकर बनकर, शिवाजी राऊत, शरद बेलपत्रे, योगेश बनकर, शुभम गोधनखेड़े यांच्यासह भारतीय जनता पार्टीच्या स्थानिक पदाधिकाऱ्यांनी विशेष परिश्रम घेतले

पहूर, ता. जामनेर –दोन वेगवेगळ्या अपघातांमध्ये पहूर येथील दोन लेकींचा दुर्दैवी मृत्यू झाला असून, त्यांच्यावर सासरी पिंपळगाव हरेश्वर (ता. पाचोरा) येथे शोकाकुल वातावरणात अंत्यसंस्कार करण्यात आले. पहिली घटना शनिवारी (ता. १२ जुलै) दुपारी घडली. कल्पना एकनाथ क्षीरसागर (वय ३२, रा. उल्हासनगर) यांचा दुचाकी अपघातात गंभीर जखमी झाल्यानंतर उपचारादरम्यान निधन झाले. दुसरी हृदयद्रावक घटना रविवारी (ता. १३ जुलै) सकाळी आठच्या सुमारास घडली. प्रीती तुकाराम गीते या पिंपळगाव हरेश्वर येथून पहूर येथे नातेवाईकांच्या रक्षाविसर्जनासाठी दुचाकीने येत असताना चिलगाव फाट्याजवळ अपघातात त्यांचे निधन झाले. दोघीही महिलांचा मूळ संबंध पहूर गावाशी असून त्या सध्या सासरी पिंपळगाव हरेश्वर येथे राहात होत्या. या दुहेरी अपघाती मृत्यूच्या घटनेने पहूर व पिंपळगाव हरेश्वर परिसरात शोककळा पसरली आहे.संपर्कात असलेल्या नातेवाइकांत हळहळ व्यक्त केली जात असून, अपघात रोखण्यासाठी अधिक सुरक्षिततेची गरज पुन्हा अधोरेखित झाली आहे.

जळगाव जिल्हा ठरतोय सक्षम भागीदार$1 ट्रिलियन अर्थव्यवस्थेकडे वाटचाल आज जिल्हाधिकारी तथा जिल्हा दंडाधिकारी आयुष प्रसाद यांच्या अध्यक्षतेखाली जिल्हा प्रकल्प व कार्यक्रम व्यवस्थापन युनिट (DPPMU) मार्फत महत्त्वपूर्ण आढावा बैठक पार पडली. महाराष्ट्राच्या $1 ट्रिलियन अर्थव्यवस्थेच्या ध्येयपूर्तीसाठी जिल्हा जळगावातील यंत्रणांच्या कामगिरीचा सखोल आढावा या बैठकीत घेण्यात आला. आजच्या बैठकीतील प्रमुख मुद्दे:• कृषी, आरोग्य, पर्यटन, वैद्यकीय सुविधा, उद्योग, वीज, जलव्यवस्थापन, शिक्षण आदी १६ क्षेत्रांतील प्रगतीचा तालुका स्तरावर आढावा.• जिल्हास्तरावर संस्थात्मक बांधणी (Institution Building) आणि गुणवत्तापूर्ण सेवा केंद्रांची निर्मिती या दिशेने मार्गदर्शन.• विभागीय समन्वय वाढवणे, कामांच्या वेळेत पूर्ततेसाठी नियोजन, व संकल्पनांची अंमलबजावणी यावर भर.• डेटा आधारित धोरणनिर्मितीसाठी विश्लेषण व प्रगती निर्देशांक तयार करण्याचे निर्देश. महत्त्वाच्या आगामी बैठका:• District Innovation Council ची बैठक – नाविन्यपूर्ण उपक्रमांची निवड व प्रोत्साहन.• Skill & Employment Conclave – कौशल्य विकास संस्था, उद्योग व तरुण यांच्यात समन्वय.• Export Branding Workshop – जळगावातील केळी, सोने, कापूस, प्लास्टिक यांचा आंतरराष्ट्रीय ब्रँडिंगसाठी विशेष योजना.• Infrastructure Taskforce बैठक – वीज, पाणी, इंटरनेट कनेक्टिव्हिटी, वाहतूक व पायाभूत सुविधा या क्षेत्रांवर लक्ष. प्रगतिपथावर असलेले महत्त्वाचे उपक्रम:• जळगाव वैद्यकीय हब – आरोग्य सेवांमध्ये खाजगी गुंतवणूक व तांत्रिक पायाभूत सुविधा निर्माण.• केळी क्लस्टरचा विकास – निर्यातक्षम व प्रक्रिया आधारित सुविधा उभारणी.• पशुसंवर्धन क्लिनिक आणि डायल 1962 सेवा – पशु वैद्यकीय आपत्कालीन सेवा अधिक प्रभावी करणे.• MSME व SHG सक्षमीकरण – वित्त, प्रशिक्षण, मार्केट लिंक यामध्ये सहकार्य.• पर्यटन विकास – सापुतडा डोंगररांगा, धार्मिक व सांस्कृतिक स्थळांचा विकास.• शाश्वत शेती व जल व्यवस्थापन – सूक्ष्म सिंचन, जलसंधारण, आणि नवा जल व्यवस्थापन मॉडेल. 📊 DPPMU (District Project & Program Monitoring Unit) मार्फत या सर्व योजनांचा सातत्याने आढावा घेतला जात आहे. यातूनच “Vision to Action” चा खरा अर्थ पूर्णत्वास जातो आहे. जळगाव जिल्ह्यातील प्रत्येक नागरिक, संस्था, उद्योजक आणि तरुणांनी या परिवर्तनामध्ये आपली भूमिका बजावावी. तुमचे कल्पक विचार, सहकार्य आणि पुढाकारच जिल्ह्याला राज्यात आदर्श बनवतील.