वाढदिवसानिमित्ताने अनावश्यक खर्च न करता शेळगाव उपसरपंच निळकंठ पाटील यांनी अन्नदान करून वाढदिवस केला साजरा.

यावेळी राष्ट्रवादी काँग्रेसचे जामनेर तालुक्याची नेते दिलीप खोडपे सर,फाउंडेशनचे संस्थापक अध्यक्ष डॉक्टर विजय पाटील, राष्ट्रवादीचे तालुकाध्यक्ष किशोर पाटील, युवा नेते विश्वतेराजे पाटील, व्ही जी एन टी सेलचे तालुका अध्यक्ष रोहन राठोड, कार्तिक भाऊ काळे,वासुदेव भाऊ साखरे, विकास अहिरे, पत्रकार महेंद्र पाटील, बी जी माळी सर,चरण सिंग पाटील,रवी माळी, आकाश बावस्कर संपुर्ण आत्मसन्मान टिम बोदवड आदी उपस्थित होते. आत्मसमान फाउंडेशन संचलित बोदवड येथील मनोरुग्ण,बेसहारा, मानसिक व बौध्दीक अपंगत्व आलेले लोकांचा सांभाळ करण्याचे व त्यांचा उपचार करण्याची काम आत्म सन्मान फाउंडेशन करीत आहे तरी अशा लोकांना शेळगाव येथील उप सरपंच निळकंठ पाटील यांच्या वाढदिवसानिमित्ताने अनावश्यक खर्च न करता आज 21 मार्च रोजी अन्नदान करून वाढदिवस साजरा करण्यात आला.

Read More

मुक्ताईनगरचे आमदार चंद्रकांत पाटील यांची तब्येत अचानक बिघडली; मुंबईतील रुग्णालयात उपचार सुरू

महाराष्ट्र राज्याच्या अर्थसंकल्पीय अधिवेशनादरम्यान गुरुवारी (दि. ५ मार्च २०२६) विधानभवनात कामकाज सुरू असताना मुक्ताईनगर मतदारसंघाचे आमदार चंद्रकांत पाटील यांची अचानक तब्येत खालावली. त्यानंतर त्यांना तातडीने मुंबई येथील सर एच. एन. रिलायन्स फाउंडेशन रुग्णालय व संशोधन केंद्र येथे दाखल करण्यात आले. या घटनेची माहिती मिळताच शिवसेनेचे नेते व खासदार डॉ. श्रीकांत शिंदे तसेच राज्याचे पाणीपुरवठा व स्वच्छता मंत्री आणि जळगाव जिल्ह्याचे पालकमंत्री गुलाबराव पाटील यांनी रुग्णालयात भेट देऊन त्यांच्या प्रकृतीची विचारपूस केली. यावेळी त्यांनी डॉक्टरांशी चर्चा करून आमदार पाटील यांच्यावर योग्य उपचार करण्याच्या सूचना दिल्या. सध्या रुग्णालयातील वरिष्ठ डॉक्टरांच्या देखरेखीखाली त्यांच्यावर उपचार सुरू असून त्यांची प्रकृती आता स्थिर असल्याची माहिती त्यांचे स्वीय सहाय्यक प्रवीण चौधरी यांनी दिली आहे.

Read More

जामनेर : सामाजिक व राजकीय कार्यकर्त्यांचा भारतीय जनता पक्षात प्रवेश

जे बी एन महाराष्ट्र न्यूज जामनेरप्रतिनिधी- सुपडू जाधवजामनेर शहरातील सामाजिक व राजकीय क्षेत्रात सक्रिय असलेले श्री. प्रदीप गायके, श्री. मनोज महाले, श्री. जीवन सपकाळ, प्रवीण गावंडे, यांच्यासह असंख्य पदाधिकाऱ्यांनी आज भारतीय जनता पक्षात जाहीर प्रवेश केला.जामनेर निवास स्थानी महाराष्ट्राचे मंत्री श्री. गिरीशभाऊ महाजन यांनी नवागत कार्यकर्त्यांचे पक्षात स्वागत केले.यावेळी जिल्हाध्यक्ष श्री. चंद्रकांत बाविस्कर, ज्येष्ठ नेते श्री. जे. के. चव्हाण, जामनेर शहर मंडल अध्यक्ष श्री. रविंद्र झाल्टे, जिल्हा सरचिटणीस श्री. आतिष झाल्टे, श्री. जितेंद्र पाटील यांच्यासह पक्षाचे अनेक पदाधिकारी व कार्यकर्ते उपस्थित होते. या प्रवेशामुळे भारतीय जनता पक्षाची जामनेर शहरातील संघटनात्मक ताकद अधिक मजबूत होईल, असा विश्वास या वेळी व्यक्त करण्यात आला.

Read More

गोद्री येथे शांततामत वातावरणात सर्वव धर्मीय शिव जयंती साजरी समाजसेवक अक्षय पाटील यांचे अमोल सहकार्य

तोंडापूर ता. जामनेर येथून जवळच असलेल्या गोद्री येथे सर्व समज बांधवामार्फत डी जे च्या तालावर नाचत अतिशय शांततापूर्ण वातावरणात पोलीस संरक्षण शिवाय शिव जयंती साजरी करण्यात आली.या वेळी गोद्री येथील समाजसेवक अक्षय पाटील याच्या हस्ते गावाच्या वतीने ग्रामपंचायत आवारातील छत्रपती शिवाजी महाराष्ट्रचंच्या आश्वावृढ पुतळ्याचे पूजन करण्यात आले. यावेळी अक्षय पाटील यांच्या वतीने संपूर्ण गावाला अन्नदान करण्यान्त आले, तसेच गावातील युनूस तडवी, रुबाब तडवी, विष्णू कोळी, प्रकाश कोळी, गणेश देशमुख, सागर कोळी,गजानन पाटील, निखिल कोळी, चेतन कोळी, यांचे सहकार्य लाभले. विशेष म्हणजे गोद्री येथील शिवजयंतीसाठी पुण्याहून सत्त्यम कड, ऋतिक चव्हाण, आनंद कड,रुपेश कड,तुषार बचचे,अजित रागडे,जगदीश हलडेकर,मिनीनाथ गव्हाणे उपस्थित होते

Read More

NCMC कार्डच्या पहिल्याच दिवशी गोंधळ; महिलांना भरावे लागले पूर्ण तिकीट!

तांत्रिक बिघाडामुळे अर्ध्या तिकिटाची सवलत मिळेना; महिला प्रवाशांची तारांबळजळगाव | प्रतिनिधीमहाराष्ट्र राज्य मार्ग परिवहन महामंडळाच्या (एसटी) बससेवेत महिलांना सवलतीच्या प्रवासासाठी NCMC कार्डची अंमलबजावणी १ सप्टेंबरपासून सुरू करण्यात आली. मात्र, पहिल्याच दिवशी तांत्रिक अडचणींमुळे या योजनेचा फटका महिला प्रवाशांना बसला. अनेक महिलांचे NCMC कार्ड मशीनमध्ये रीड होत नसल्याने त्यांना सवलतीच्या दराऐवजी पूर्ण तिकीटाचे भाडे भरावे लागले.महिलांना एसटी प्रवासात सवलतीचा लाभ देण्यासाठी NCMC कार्डचा वापर सुरू करण्यात आला आहे. या कार्डद्वारे प्रवासाचे तिकीट काढताना सवलतीचे भाडे आकारले जाणे अपेक्षित होते. मात्र, जळगाव बसस्थानकासह काही ठिकाणी पहिल्याच दिवशी कार्ड रीड न होणे, मशीनमध्ये एरर येणे आणि कनेक्टिव्हिटीच्या समस्या निर्माण झाल्याचे दिसून आले.सकाळपासूनच महिला प्रवाशांच्या लांबच लांब रांगाNCMC कार्डच्या माध्यमातून सवलतीचा लाभ घेण्यासाठी महिला प्रवासी सकाळपासूनच बसस्थानकावर दाखल झाल्या होत्या. मात्र, कार्ड मशीनमध्ये रीड होत नसल्याने अनेक महिलांना अपेक्षित सवलत मिळाली नाही. परिणामी, काही प्रवाशांना नाइलाजाने पूर्ण तिकीटाचे भाडे भरून प्रवास करावा लागला.एका बाजूला नवीन कार्ड पद्धतीचा पहिलाच दिवस असल्याने प्रवाशांमध्ये संभ्रमाचे वातावरण होते, तर दुसऱ्या बाजूला तांत्रिक अडचणींमुळे महिला प्रवाशांची मोठी गैरसोय झाली.७४९ रुपयांची शिल्लक असूनही कार्ड रीड झाले नाहीकाही महिला प्रवाशांच्या NCMC कार्डमध्ये पुरेशी रक्कम शिल्लक असतानाही कार्ड मशीनमध्ये रीड झाले नसल्याची समस्या समोर आली. त्यामुळे कार्डमध्ये पैसे असूनही त्याचा वापर करता न आल्याने प्रवाशांना पूर्ण भाडे भरावे लागले.प्रवाशांची मागणीNCMC कार्डमधील तांत्रिक समस्या तातडीने दूर करून महिलांना सवलतीचा लाभ सुरळीतपणे मिळावा, अशी मागणी प्रवाशांकडून करण्यात आली आहे. पहिल्याच दिवशी झालेल्या अडचणींची पुनरावृत्ती होऊ नये आणि पुढील प्रवासात महिलांना आर्थिक भुर्दंड सहन करावा लागू नये, अशी अपेक्षाही व्यक्त करण्यात आली.दरम्यान, पहिल्या दिवशी काही तांत्रिक अडचणी समोर आल्या असून, संबंधित यंत्रणा आणि कनेक्टिव्हिटीची समस्या लवकरच दूर करण्याचे प्रयत्न सुरू आहेत, अशी माहिती एसटी विभागाकडून देण्यात आली आहे.NCMC कार्ड म्हणजे काय?NCMC (National Common Mobility Card) हे एकाच कार्डद्वारे बस, मेट्रो, लोकल, टोल आदी विविध सेवांचा वापर करता यावा, या उद्देशाने विकसित करण्यात आलेले कार्ड आहे. एसटी प्रवासात महिलांसह ज्येष्ठ नागरिक आणि इतर पात्र प्रवाशांना उपलब्ध असलेल्या सवलतींचा लाभ घेण्यासाठीही या कार्डचा वापर केला जाणार आहे.तांत्रिक अडचणी दूर झाल्यानंतर महिलांना सवलतीचा प्रवास सुरळीतपणे करता येईल, अशी अपेक्षा आहे.

Read More

“जामनेर शहराच्या इतिहासात प्रथमच श्री गोगाजी महाराजांच्या पवित्र छडीचे आगमन; भाविकांचा अभूतपूर्व उत्साह”

जामनेर : जामनेर शहराच्या इतिहासात प्रथमच श्री गोगाजी महाराज यांच्या पवित्र छडीचे आगमन झाल्याने शहरात भक्तिमय आणि उत्साहाचे वातावरण निर्माण झाले होते. रामदेव बाबा नगर, भुसावळ रोड येथे आयोजित करण्यात आलेला हा धार्मिक सोहळा मोठ्या श्रद्धा आणि भक्तिभावाने उत्साहात संपन्न झाला. नगराध्यक्षा सौ. साधनाताई महाजन यांच्या प्रमुख उपस्थितीत हा धार्मिक सोहळा पार पडला. यावेळी श्री तेजस पाटील, श्री जुतू काका पाटील, श्री अतिष भाऊ झाल्टे ,श्री दिपक भाऊ तायडे यांच्यासह जामनेर शहरातील सर्व पदाधिकारी व मान्यवर उपस्थित होते. श्री गुरु गोरखनाथजी व श्री गोगाजी महाराज यांच्या कृपेने आयोजित या सोहळ्यास जामनेर शहरासह परिसरातील भाविकांनी मोठ्या संख्येने उपस्थिती लावली. भाविकांनी श्री गोगाजी महाराजांच्या पवित्र छडीचे दर्शन घेऊन आशीर्वाद घेतले. पवित्र छडीच्या आगमनामुळे रामदेव बाबा नगर परिसरात धार्मिक आणि भक्तिमय वातावरण निर्माण झाले होते. जामनेरमध्ये प्रथमच असा धार्मिक सोहळा आयोजित करण्यात आल्याने नागरिकांनी मोठ्या श्रद्धेने सहभाग नोंदविला. या कार्यक्रमाच्या यशस्वी आयोजनासाठी आयोजकांसह सर्व सहकारी व भाविकांनी मोलाचे योगदान दिले. “जामनेर शहराच्या इतिहासात प्रथमच श्री गोगाजी महाराजांच्या पवित्र छडीचे आगमन” हा सोहळा भाविकांसाठी अविस्मरणीय ठरला.

Read More

भारतीय जैन संघटना व महावीर पब्लिक स्कूल आयोजित शिक्षक सन्मान सोहळा उत्साहात व आनंदात संपन्न झाला

पहुर : भारतीय जैन संघटना आणि महावीर पब्लिक स्कूल यांच्या संयुक्त विद्यमाने आयोजित शिक्षक सन्मान सोहळा अत्यंत उत्साहात आणि आनंदमय वातावरणात पार पडला. या कार्यक्रमाच्या अध्यक्षस्थानी श्री. प्रमोद कठोरे (पी.आय, पहुर पोलीस स्टेशन) होते. प्रमुख उपस्थितीत श्री. प्रदीपभाऊ लोढा (चेअरमन, महावीर पब्लिक स्कूल), श्री. पवन रुणवाल (सह सचिव, भारतीय जैन संघटना, जळगाव जिल्हा), श्री. स्वप्निल छाजेड़ (शहराध्यक्ष, भारतीय जैन संघटना), श्री. अरविंद चौरडिया, श्री. सुनील लोढा, श्री. रूपेश लोढा आणि श्री. दीपक लोढा आदी मान्यवर उपस्थित होते. या कार्यक्रमात शैक्षणिक क्षेत्रात उल्लेखनीय कार्य करणाऱ्या शिक्षकांचा सन्मान करण्यात आला. ईश्वर मूळचंद चौरडिया, सुनयना मनोज रुणवाल, शंकर रंगनाथ भामरे यांच्यासह एकूण २० आदरणीय शिक्षकांना सन्मानचिन्ह आणि पुष्पगुच्छ देऊन गौरविण्यात आले. कार्यक्रम यशस्वी होण्यासाठी शहराध्यक्ष स्वप्निल भैया छाजेड़, श्री. सुनील लोढा, श्री. रूपेश लोढा, सौ. भाग्यश्री बेदमुथा, सौ. आरती कोटेचा यांनी महत्त्वपूर्ण योगदान दिले. या सोहळ्याला पत्रकार संघटनेचे अध्यक्ष डॉ. क्षीरसागर, उपाध्यक्ष जोशी, सचिव भामरे सर, शरद बेलपत्रे तसेच अन्य पत्रकार बांधव आणि भारतीय जैन संघटनेचे पदाधिकारी उपस्थित होते. कार्यक्रमाच्या शेवटी संघटनेच्या वतीने सर्व मान्यवर, शिक्षक आणि उपस्थितांचे मनःपूर्वक आभार व्यक्त करण्यात आले

Read More

तालुका क्रीडा नियोजन बैठक ठरली फलदायी; प्रा. समीर घोडेस्वार, ऋग्वेद पेडगांवकर व कार्तिकी लामखेडे यांचा सन्मान

जामनेर, ता.१६ जुलै:महाराष्ट्र राज्य क्रीडा व युवक सेवा संचालनालय, पुणे यांच्या मार्गदर्शनाखाली जिल्हा क्रीडा अधिकारी कार्यालय, जळगाव आणि पंचायत समिती, जामनेर यांच्या संयुक्त विद्यमाने तालुकास्तरीय शालेय क्रीडा स्पर्धेच्या नियोजनासाठी सहविचार सभा दिनांक १६ जुलै रोजी दुपारी ११ वा. पंचायत समिती, जामनेर येथे उत्साहात संपन्न झाली. या बैठकीस जिल्हा क्रीडा अधिकारी रवींद्र नाईक यांची प्रमुख उपस्थिती लाभली. यावेळी क्रीडा अधिकारी सचिन निकम, विशाल बोडके, गटशिक्षणाधिकारी विष्णू काळे, विस्तार अधिकारी संजय पाटील, स्पर्धा समिती सचिव जी.सी. पाटील, मुख्याध्यापक शेख जलाल, गटसाधन केंद्र समन्वयक पंकज रानोटकर यांसह तालुक्यातील विविध मान्यवर उपस्थित होते. सभेच्या प्रारंभी डॉ. आसिफ खान यांनी चालू शैक्षणिक वर्षातील विविध क्रीडा योजना, क्रीडा शिक्षकांच्या योगदानाचे सन्मान, ‘लाईफटाईम अचीवमेंट’ पुरस्कार, व विशेष प्राविण्य मिळवणाऱ्या शाळांचा गौरव अशा महत्त्वाच्या बाबींवर सविस्तर माहिती दिली. याशिवाय तालुक्यातील १० प्रमुख खेळांची नियोजनपूर्वक आखणी व शालेय पत्रिकेविषयी चर्चा झाली. जिल्हा क्रीडा अधिकारी रवींद्र नाईक यांनी ‘माझी शाळा – सुंदर पटांगण’ ही अभिनव संकल्पना मांडून, शाळांमध्ये खेळांच्या अद्ययावत सुविधा व उत्स्फूर्त सहभागाचे महत्त्व अधोरेखित केले. यावेळी उपस्थित शिक्षकांच्या शंकांचे निरसनही त्यांनी केले. या प्रसंगी विविध गुणवंत विद्यार्थ्यांचा आणि शिक्षकांचा गौरव करण्यात आला. न्यू इंग्लिश स्कूलचे क्रीडा शिक्षक श्रीपाद पेडगावकर यांचे चिरंजीव ऋग्वेद यांनी इ.८ वी स्कॉलरशिप परीक्षेत तालुक्यात प्रथम व जिल्ह्यात तृतीय क्रमांक मिळविल्याबद्दल तर वाकी बुद्रुक येथील सरपंच व क्रीडा शिक्षक ललित लामखडे यांच्या कन्या कार्तिकी हिने इ.१० वी बोर्ड परीक्षेत तालुक्यात प्रथम क्रमांक मिळविल्याबद्दल सत्कार करण्यात आले. तसेच इंदिराबाई ललवाणी माध्यमिक व उच्च माध्यमिक विद्यालयाचे क्रीडा शिक्षक प्रा. समीर घोडेस्वार यांना जिल्हास्तरीय सुलभक म्हणून केलेल्या उल्लेखनीय कार्यासाठी जिल्हा क्रीडा अधिकारी रवींद्र नाईक यांच्या हस्ते सन्मानित करण्यात आले. सभेचे सूत्रसंचालन डॉ. आसिफ खान यांनी केले तर आभारप्रदर्शन प्रा.समीर घोडेस्वार यांनी केले.या बैठकीस तालुक्यातील ७२ क्रीडा शिक्षक, प्रशिक्षक व खेळाडू मोठ्या संख्येने उपस्थित होते.सभेच्या यशस्वीतेसाठी डी के चौधरी, नरेंद्र पाटील, व्ही एन पाटील, आनंद मोरे, पी डी पाटील, शाहिद शेख जहीर खान, देवा पाटील आदी.परिश्रम घेतले.

Read More

सोना इस्टेटजवळ पाण्याचा टँकर नाल्यात पलटी; चालक घटनास्थळावरून पसार

सुदैवाने जीवितहानी टळली; अपघातामुळे परिसरात काही काळ खळबळ जामनेर :JBN महाराष्ट्र News शहरातील सोना इस्टेटजवळ पाण्याचा टँकर नाल्यात पलटी झाल्याची घटना घडली. टँकर पलटी झाल्यानंतर चालक घटनास्थळावरून फरार झाल्याची माहिती आहे. सुदैवाने या अपघातात कोणतीही जीवितहानी झाली नाही. मिळालेल्या माहितीनुसार, पाण्याचा टँकर सोना इस्टेट परिसरातून जात असताना अचानक चालकाचे वाहनावरील नियंत्रण सुटले. त्यानंतर टँकर रस्त्याच्या कडेला असलेल्या नाल्यात जाऊन पलटी झाला. या घटनेमुळे परिसरात काही काळ नागरिकांची गर्दी झाली. टँकर नाल्यात पलटी झाल्यानंतर चालकाने घटनास्थळावरून पळ काढल्याचे समोर आले आहे. त्यामुळे चालक नेमका कोण होता आणि अपघात कशामुळे झाला, याबाबत प्रश्न उपस्थित झाले आहेत. दरम्यान, घटनेत कोणतीही जीवितहानी किंवा गंभीर दुखापत झाल्याची माहिती नाही. संबंधित यंत्रणेकडून घटनेची पाहणी करून पुढील कार्यवाही केली जात आहे. अपघातानंतर फरार झालेल्या चालकाचा शोध घेण्याचे काम सुरू आहे. अपघातामुळे टँकरचे नुकसान झाले असून, तो नाल्यातून बाहेर काढण्यासाठी प्रयत्न करण्यात येत आहेत. या घटनेमुळे सोना इस्टेट परिसरात काही काळ खळबळ उडाली होती.

Read More

भुसावळमध्ये 30 हजारांची लाच घेताना सहकार विभागातील अधिकारी व दोन लेखापरीक्षक एसीबीच्या जाळ्यात

जळगाव, दि. 15 जून : भुसावळ येथील सहायक निबंधक, सहकारी संस्था कार्यालयाशी संबंधित एका प्रकरणात सहकार अधिकारी व दोन लेखापरीक्षकांना 30 हजार रुपयांची लाच स्वीकारताना लाचलुचपत प्रतिबंधक विभागाने (एसीबी) रंगेहात पकडले. ही कारवाई सोमवारी भुसावळ शहरात करण्यात आली. एसीबीने दिलेल्या माहितीनुसार, तक्रारदाराला सावकारी व्यवसायासाठी आवश्यक परवाना काढायचा होता. त्यासाठी संबंधित कार्यालयात अर्ज केल्यानंतर परवाना मंजूर करून देण्यासाठी सहकार अधिकारी विजय विनायक गारूड (वर्ग-3) यांनी 20 हजार रुपयांची लाच मागितल्याचा आरोप आहे. याबाबत तक्रारदाराने एसीबीकडे तक्रार दाखल केली होती.तक्रारीची पडताळणी केल्यानंतर एसीबीने सापळा रचला. तपासादरम्यान सुरेश जनार्दन विसपुते आणि हेमंत प्रकाश काळे या प्रमाणित लेखापरीक्षकांनी संबंधित अधिकाऱ्यांसाठी व स्वतःसाठी मिळून 30 हजार रुपयांची लाच मागितल्याचे निष्पन्न झाले.सोमवारी भुसावळ शहरातील नाहाटा चौफुली परिसरात सापळा कारवाईदरम्यान सुरेश विसपुते यांनी तक्रारदाराकडून 30 हजार रुपयांची लाच स्वीकारली. त्यानंतर एसीबीने त्यांना ताब्यात घेतले. या प्रकरणी विजय गारूड, सुरेश विसपुते आणि हेमंत काळे यांच्याविरुद्ध भ्रष्टाचार प्रतिबंधक कायदा 1988 अंतर्गत गुन्हा दाखल करण्याची प्रक्रिया सुरू आहे. ही कारवाई पोलीस निरीक्षक हेमंत नागरे यांच्या मार्गदर्शनाखाली करण्यात आली. पुढील तपास एसीबीकडून सुरू आहे.

Read More
error: Don't Try To Copy !!