JBN Maharashtra

आज 30 जुलै रोजी महाराष्ट्र नवनिर्माण सेनेचे वतीने जळगाव जिल्हा परिषदेचे प्राथमिक विभागाचे उप शिक्षणाधिकारी व जिल्हा परिषद मुख्य कार्यकारी अधिकारी यांच्याकडे जामनेर येथून रावेर येथे बदली झालेले श्री विष्णू वामन काळे यांच्याकडून जामनेर प्रभारी गट शिक्षणाधिकारी व शालेय पोषण आहार अधीक्षक पदाचा पदभार काढून घेणे बाबत निवेदन देण्यात आले.जामनेर येथे कार्यरत असलेले प्रभारी गट शिक्षणाधिकारी तथा शालेय पोषण आहार अधीक्षक श्री विष्णू वामन काळे यांची 13 मे 2025 रोजी जामनेर येथून रावेर येथे पंचायत समितीच्या शिक्षण विस्तार अधिकारी म्हणून बदली करण्यात आली होती मात्र अद्यापही श्री विष्णू काळे यांनी आपला पदभार जामनेर येथून सोडलेला नाही. रावेर येथील पूर्ण वेळ पदाचा कारभार न पाहता जामनेर येथील अतिरिक्त पदभार स्वीकारण्यात इतके स्वारस्य का? असा प्रश्न जामनेर तालुक्यात शिक्षण विभागात चर्चेचा विषय बनला आहे कारण गेल्या 10 ते 12 वर्ष जामनेर तालुक्यात ठाण मांडून बसलेले श्री विष्णू काळे यांच्यावर कुणाचे वरद हस्त आहे. असा सवाल निर्माण होत आहे. गेल्या 15 दिवसापूर्वी श्री विष्णू काळे यांची जामनेर गट शिक्षणाधिकारी म्हणून अतिरिक्त पदभार स्वीकारला आहे. मात्र जामनेर तालुक्यात नावीन्य पूर्ण व पात्रता असलेले तीन – तीन कार्यक्षम शिक्षण विस्तार अधिकारी असताना रावेर येथे नुकतीच बदली झालेल्या अधिकाऱ्यांना अतिरिक्त पदभार कोणत्या अनुषंगाने देण्यात आला याबद्दल जामनेर तालुका अनभिज्ञ आहे. तालुक्यातील तिन्ही कार्यक्षम शिक्षण विस्तार अधिकारी हा पदभार स्वीकारण्यास पात्र असताना व संबंधित शिक्षण खात्याचा कारभार पाहण्यासाठी सक्षम शिक्षण विस्तार अधिकारी असताना इतर तालुक्यात बदली करण्यात आलेल्या शिक्षण विस्तार अधिकाऱ्यावर ही कृपादृष्टी तालुक्यात चर्चेचा विषय बनलेला आहे. तरी जामनेर येथील विद्यमान प्रभारी गट शिक्षणाधिकारी श्री . विष्णू वामन काळे यांची जामनेर येथून तात्काळ उचल बांगळी करून त्यांना रावेर येथील पदभार देण्यात यावा व जामनेर येथील शिक्षण विस्तार अधिकारी यापैकी एका सक्षम व कार्यक्षम शिक्षण विस्तार अधिकारी यांची अतिरिक्त गट शिक्षण अधिकारी म्हणून नेमणूक करून त्यांचे मनोबल वाढवण्यात यावे . असं न घडल्यास बदली या संकल्पनेवर कर्मचारी व अधिकारी यांचा विश्वास राहणार नाही तो विश्वास उडेल म्हणून आपण ही जिल्हाधिकारी साहेब यांच्या “क” व “ड” श्रेणीतील कर्मचारी बदली प्रक्रियेचा आदर्श डोळ्यासमोर ठेवून कोणताही वशिला व आकस मनात न ठेवता, बदली प्रक्रियेत पारदर्शकता निर्माण होणे आवश्यक आहे.अन्यथा महाराष्ट्र नवनिर्माण सेना जामनेर तालुका मनसे स्टाईल ने कार्यालयात ठिय्या आंदोलन करणार असल्याचा इशारा मनसे तालुकाध्यक्ष अशोक पाटील यांनी दिला आहे. यावेळी मनविसे तालुकाध्यक्ष किशोर पाटील , तालुका उपाध्यक्ष संदीप मराठे , तालुका उपाध्यक्ष आशुतोष पाटील , वाल्मीक कोळी , जगदीश कुरकुरे , रतन देशमुख आदी पदाधिकारी उपस्थित होते.

राष्ट्रवादी युवती काँग्रेसच्या जनविश्वास सप्ताहाच्या समारोप कार्यक्रमात संजयदादा गरुड यांचे प्रतिपादन शेंदुर्णी येथील आप्पासाहेब रघुनाथराव गरुड महाविद्यालयात मुख्यमंत्री देवेंद्र फडणवीस आणि उपमुख्यमंत्री अजितदादा पवार यांच्या वाढदिवसानिमित्त संयुक्त आयोजित सजग युवती-सक्षम युवती उपक्रमाच्या व्याख्यान कार्यक्रमाच्या समारोपप्रसंगी संस्थेचे अध्यक्ष तथा माजी जिल्हा परिषद सदस्य संजयदादा गरुड यांनी अध्यक्षपदावरून ग्रामीण भागातील रचनेत आणि विकासात युवतींचा सहभाग आणि भूमिका अत्यंत मोलाची आहे असे मत मांडले.युवती केवळ कुटुंबाचा नव्हे,तर ग्रामीण समाजाचा देखील अविभाज्य घटक असल्याने त्यांनी आत्मविश्वासाने आपल्या क्षेत्रात भरारी घेतली पाहिजे असे आवाहन त्यांनी केले. राष्ट्रवादी काँग्रेसने आयोजित केलेल्या जनविश्वास सप्ताहामागील विवेचन युवती काँग्रेसच्या रावेर लोकसभा जिल्हाध्यक्षा कु.भाग्यश्री विवेकानंद ठाकरे यांनी मांडले.यावेळी राष्ट्रवादी काँग्रेसचे तालुकाध्यक्ष ज्ञानेश्वर नाना पाटील,जिल्हा उपाध्यक्ष मधुकर शिंदे,ज्येष्ठ सामाजिक कार्यकर्ते उत्तमराव थोरात,शेंदुर्णी एज्युकेशन सोसायटीचे सचिव सागरमल जैन,युवा नेते स्नेहदीप गरुड,नगरसेवक धीरज जैन तसेच जंगीपूरा येथील उपसरपंच मनोज पाटील यांची विशेष उपस्थिती होती. चौकट (1)अत्यंत मौलिक विषयांवर युवतींना मिळाले मार्गदर्शन : या उपक्रमात युवतींसाठी मार्गदर्शन सत्र आयोजित करण्यात आले होते.ॲड.केतन सोनार यांनी ‘सोशल मीडिया हाताळताना युवतींनी घ्यावयाची काळजी’ या विषयावर दैनंदिन घडामोडी,फेक न्यूज,ऑनलाइन फसवणूक याविषयी सजग राहण्याच्या दृष्टीने सउदाहरण विदयार्थीनींना अत्यंत खेळीमेळीच्या वातावरणात व्याख्यान दिले.ॲड. उमेश मराठे यांनी ‘युवती व कौशल्य विकास कार्यक्रमातून उपलब्ध संधी’ या विषयावर विवेचन करताना कौशल्य विकास म्हणजे केवळ पार्लर किंवा शिवणकाम पुरते मर्यादित नसून, सामाजिक आणि व्यवसायिक क्षेत्रातही युवतींना अनेक संधी असल्याचे असे आपल्या व्याख्यानातून नमूद केले.कार्यक्रम यशस्वीतेसाठी प्राचार्य डॉ.संजय भोळे, आर.एस. चौधरी यांचे विशेष सहकार्य लाभले. सूत्रसंचालन दिनेश थोरात यांनी केले तर आभार महाविद्यालयाचे उपप्राचार्य साळुंखे यांनी मानले. चौकट (2) वटवृक्षारोपण व दहा युवतींना रोपांची जबाबदारी : ‘एक झाड माझ्या दादांचं…!’ या उपक्रमांतर्गत राष्ट्रवादी युवती काँग्रेसने उपमुख्यमंत्री अजितदादा पवार यांच्या वाढदिवसाचे औचित्य साधून दहा विद्यार्थिनींना वटवृक्षाचे रोप भेट देत त्यांच्याकडून जगविण्याचे वचन घेतले. यावेळी संस्थेच्या आवारात अध्यक्ष श्री. संजयदादा गरुड यांच्याहस्ते वटवृक्ष लावण्यात आले तृप्ती बारी,रोहिणी गुजर,नेहा न्हावी, वृषाली पाटील, गायत्री पाटील, कोमल म्हस्के, सानिया गुजर, निकिता पाटील, आरती पाटील आणि योगेश्वरी वाघ या दहा युवतींनी झाडांचे संगोपन करण्याचा संकल्प केला.

श्री डी एम गरुड हे दिनांक ३१/०७/२०२५ रोजी नियतवयोमानानुसार सेवानिवृत्त होत आहे.त्यांचा सेवापूर्ती निरोप सोहळा दिनांक ३० ऑगस्ट रोजी संपन्न झाला.या सोहळ्याचे अध्यक्षस्थान संस्थेचे सचिव आदरणीय काकासाहेब सागरमल जैन यांनी भूषविले. मा अध्यक्ष, प्रमुख पाहुणे, उपस्थित मान्यवरांचे स्वागत गीताने स्वागत केले. त्यानंतर मा अध्यक्ष उपस्थित मान्यवरांच्या हस्ते प्रतिमांचे पूजन करून माल्यार्पण करण्यात आले.कार्यक्रमाचे अध्यक्ष काकासाहेब सागरमल जैन,प्रमुख पाहुणे संस्थेचे सहसचिव दादासाहेब यु यु पाटील,श्री राम दादा पवार,प्रा.सुनील गरुड यांचे स्वागत विद्यालयाच्या मुख्याध्यापिका श्रीमती पी एन पाटील मॅडम यांनी शाल श्रीफळ व पुष्पगुच्छ देऊन केले.याप्रसंगी उपस्थित सर्व मान्यवर, श्री डी एम गरुड सर यांचे नातलग,मित्रमंडळी व अनेक शाळेचे मुख्याध्यापक, पर्यवेक्षक, शिक्षक व शिक्षकेतर कर्मचारी यांचे स्वागत विद्यालयाच्या वतीने करण्यात आले.कार्यक्रमाचे प्रास्ताविक विद्यालयाच्या मुख्याध्यापिका श्रीमती पी एन पाटील यांनी केले.कार्यक्रमाची रूपरेषा सांगून त्यांनी श्री डी एम गरुड यांच्या यांच्या सेवाकालाविषयी माहिती दिली.सेवापूर्ती निमित्ताने त्यांना पुढील आनंददायी व आरोग्यमय जीवनासाठी शुभेच्छा दिल्या. इ 10 वी च्या विद्यार्थीनीनी मनोगत व्यक्त केले. त्यानंतर विद्यालयाच्या उपशिक्षिका श्रीमती ए एस पाटील यांनी मनोगत व्यक्त केले.सत्कारमूर्ती श्री डी एम गरुड सर यांचा सपत्नीक ह्रदय सत्कार विद्यालयाच्या वतीने करण्यात आला. कपडे, साडी,भेटवस्तू ,शाल,श्रीफळ व पुष्पगुच्छ असे सत्काराचे स्वरूप होते.शेंदूर्णी महाविद्यालयाचे प्राचार्य श्री संजय भोळे,श्री रामदादा पवार,प्रा.सुनील गरुड यांनी मनोगत व्यक्त करून श्री डी एम गरुड सरांना भावी आयुष्यासाठी शुभेच्छा दिल्या. त्यानंतर संस्थेचे सहसचिव दादासाहेब यु यु पाटील यांनी मनोगत व्यक्त केले. श्री डी एम गरुड सर यांच्या शैक्षणिक व क्रीडाशिक्षक म्हणून केलेल्या यशस्वी सेवेचा गौरव केला. तसेच संस्थेच्या हितासाठी निवृत्तीनंतर सुद्धा सतत शैक्षणिक व क्रीडा क्षेत्रात कार्यरत राहावे असे आवाहन केले.त्यांच्या भावी आनंददायी व आरोग्यमय जीवनासाठी शुभेच्छा दिल्या. सत्कारमूर्ती श्री डी एम गरुड सर यांनी आपले मनोगत व्यक्त केले.कै. अण्णासाहेबानी आपल्याला कशाप्रकारे सेवेची संधी दिली याचा कृतज्ञतापूर्वक उल्लेख केला.संस्था परिवार कुटुंब व मित्रपरिवार यांचे मनपूर्वक आभार मानले.आपले प्रेरणास्थान कै अण्णासाहेब भास्करराव खंडेराव गरुड यांचा विद्यालयाच्या प्रांगणात पुतळा उभारणी साठी ५१००० रुपये देणगी जाहीर केली. कार्यक्रमाचे अध्यक्ष काकासाहेब सागरमल जैन यांनी बहारदार शैलीत अध्यक्षीय मनोगत व्यक्त केले. सरांना भावी आरोग्यमय जीवनासाठी शुभेच्छा दिल्या. यानंतर सर्व नातेवाईक मंडळी,मित्रपरिवार, विविध शाळांचे मुख्याध्यापक, पर्यवेक्षक, शिक्षक, शिक्षकेतर कर्मचारी यांनी श्री डी एम गरुड सरांचा सत्कार केला. या प्रसंगी श्री डी एम गरुड सर यांचे सर्व आप्तस्वकीय नातलग व मित्रपरिवार मोठ्या संख्येने उपस्थित होते. श्री मुरलीधर दादा गरुड,श्री प्रभाकर दादा गरुड,श्री राम दादा पवार(मराठा सेवा संघ),प्रा.सुनीलजी गरुड,प्राचार्य श्री संजय भोळे सर,प्राचार्य श्री आर एस चौधरी सर श्री पी बी पाटील(माजी मुख्याध्यापक) श्री ए ए पटेल सर(माजी मुख्याध्यापक)प्रा.सांळूके सर,श्री व्ही आर पाटील(मुख्याध्यापक) श्री डी एस पाटील सर, श्री मोहन बेलेकर(सरपंच) श्री रहेमानभाऊ बारी,श्रीमती संगीताताई गायकवाड(सरपंच वाकडी) श्री घनश्याम पाटील (पोलीस पाटील) श्री सुनीलभाऊ घुगे,श्री संजय सुर्वे सर, श्री बाळासाहेब गरुड,डॉ देवेन्द्र शेळके,श्री विजयदादा गरुड, श्री संजय पाटील, श्री रमेशदादा गायकवाड, श्री मनोजभाऊ तडवी,श्री संजयभाऊ देशमुख, श्री अभिजित पवार,श्री अशोकदादा देशमुख, श्री अशोक बिडके,श्री रविंद्र माने,श्री शब्बीरभाऊ तडवी,श्री जगनदादा पाटील,श्री सुरेंद्र शेळके(लोहारा) श्री संजयभाऊ दांडगे, श्री तेजराव भाऊ ठोंबरे, श्री विजयदादा सुर्वे,श्री प्रमोदभाऊ गरुड,श्री ज्ञानेश्वरभाऊ घुगे(दैनिक देशदूत) श्री विलासभाऊ जोशी(दैनिक लोकमत) उपस्थित होते. विद्यालयाचे सर्व शिक्षक व शिक्षकेतर कर्मचारी यांनी कार्यक्रम यशस्वीतेसाठी सहकार्य केले. श्री एस वाय चौधरी सर यांनी सूत्रसंचालन केले. श्री एस ए पाटील सर यांनी आभार मानले💐