JBN Maharashtra

आदिती तटकरे यांचा अधिकाऱ्यांना कडक इशारा जळगांव | प्रतिनिधीपोषण आहारात गडबड आढळली तर खैर नाही!आदिती तटकरे यांचा अधिकाऱ्यांना कडक इशारापुणे | प्रतिनिधीअंगणवाडीतील बालके आणि गरोदर मातांना दिल्या जाणाऱ्या पोषण आहाराच्या गुणवत्तेबाबत आता प्रशासनाने कडक भूमिका घेतली आहे. पोषण आहारात कोणत्याही प्रकारची गडबड, निष्काळजीपणा किंवा निकृष्ट दर्जाचा आहार आढळल्यास संबंधितांवर कठोर कारवाई केली जाईल, असा इशारा महिला व बालविकास मंत्री आदिती तटकरे यांनी अधिकाऱ्यांना दिला आहे.आंबेगाव तालुक्यातील अंगणवाडीतील पोषण आहारासंदर्भातील प्रकार समोर आल्यानंतर पुणे जिल्ह्यात विशेष तपासणी मोहीम सुरू करण्यात आली आहे. या मोहिमेदरम्यान जिल्ह्यातील अंगणवाड्यांमध्ये उपलब्ध धान्य तसेच शिजवला जाणारा पोषण आहार तपासण्यात येणार आहे.आहाराची गुणवत्ता, स्वच्छता आणि सुरक्षितता यावर विशेष लक्ष देण्याचे निर्देश देण्यात आले आहेत. बालविकास प्रकल्प अधिकाऱ्यांच्या अधिनस्त मुख्यसेविका आणि पर्यवेक्षिकांनी आपल्या कार्यक्षेत्रातील अंगणवाड्यांना प्रत्यक्ष भेट देऊन तपासणी करण्याचे आदेश देण्यात आले आहेत.तपासणीमध्ये पोषण आहार खराब किंवा अयोग्य दर्जाचा आढळल्यास तो संबंधित पुरवठादाराकडून तात्काळ बदलून घेण्याची जबाबदारी प्रशासनाची असेल. तसेच पोषण आहाराच्या गुणवत्तेबाबत निष्काळजीपणा करणाऱ्या अधिकारी किंवा कर्मचाऱ्यांवर शिस्तभंगाची कारवाई केली जाणार असल्याचे स्पष्ट करण्यात आले आहे.बालकांच्या पोषण आणि आरोग्याशी कोणतीही तडजोड सहन केली जाणार नाही, असा स्पष्ट इशारा आदिती तटकरे यांनी दिल्याने अंगणवाडी प्रशासन आणि संबंधित पुरवठादारांमध्ये आता सतर्कता वाढली आहे. अंगणवाडीतील बालके आणि गरोदर मातांना दिल्या जाणाऱ्या पोषण आहाराच्या गुणवत्तेबाबत आता प्रशासनाने कडक भूमिका घेतली आहे. पोषण आहारात कोणत्याही प्रकारची गडबड, निष्काळजीपणा किंवा निकृष्ट दर्जाचा आहार आढळल्यास संबंधितांवर कठोर कारवाई केली जाईल, असा इशारा महिला व बालविकास मंत्री आदिती तटकरे यांनी अधिकाऱ्यांना दिला आहे. आंबेगाव तालुक्यातील अंगणवाडीतील पोषण आहारासंदर्भातील प्रकार समोर आल्यानंतर पुणे जिल्ह्यात विशेष तपासणी मोहीम सुरू करण्यात आली आहे. या मोहिमेदरम्यान जिल्ह्यातील अंगणवाड्यांमध्ये उपलब्ध धान्य तसेच शिजवला जाणारा पोषण आहार तपासण्यात येणार आहे. आहाराची गुणवत्ता, स्वच्छता आणि सुरक्षितता यावर विशेष लक्ष देण्याचे निर्देश देण्यात आले आहेत. बालविकास प्रकल्प अधिकाऱ्यांच्या अधिनस्त मुख्यसेविका आणि पर्यवेक्षिकांनी आपल्या कार्यक्षेत्रातील अंगणवाड्यांना प्रत्यक्ष भेट देऊन तपासणी करण्याचे आदेश देण्यात आले आहेत. तपासणीमध्ये पोषण आहार खराब किंवा अयोग्य दर्जाचा आढळल्यास तो संबंधित पुरवठादाराकडून तात्काळ बदलून घेण्याची जबाबदारी प्रशासनाची असेल. तसेच पोषण आहाराच्या गुणवत्तेबाबत निष्काळजीपणा करणाऱ्या अधिकारी किंवा कर्मचाऱ्यांवर शिस्तभंगाची कारवाई केली जाणार असल्याचे स्पष्ट करण्यात आले आहे. बालकांच्या पोषण आणि आरोग्याशी कोणतीही तडजोड सहन केली जाणार नाही, असा स्पष्ट इशारा आदिती तटकरे यांनी दिल्याने अंगणवाडी प्रशासन आणि संबंधित पुरवठादारांमध्ये आता सतर्कता वाढली आहे.

✍️ विशेष लेख आयुष्य जगत असताना एकदा तरी आपण एखाद्या व्यक्तीच्या प्रेमात पडतो. प्रेमात पडल्यानंतर आपल्या डोळ्यासमोर अनेकदा फक्त ती व्यक्ती असते. त्या वेळी तिची जात, धर्म, वय, पंथ यांचा विचार मनात येत नाही. कारण खरं प्रेम हे जात-धर्म पाहून होत नाही; ते फक्त मन पाहून होतं. म्हणूनच या पवित्र भावनेचा आदर राखणं आवश्यक आहे. जेव्हा दोन व्यक्ती एकमेकांच्या प्रेमात पडतात आणि आपल्या भावना एकमेकांसमोर व्यक्त करतात, तो क्षण खरोखरच सुंदर असतो. मुळात प्रेम म्हणजे काय? तर प्रेम म्हणजे समाधान. या जगात कोणीतरी आपलं आहे, कोणीतरी आपल्याला मनापासून समजून घेतं आणि आपल्यावर प्रेम करतं, ही जाणीवच मनाला मोठा आनंद देऊन जाते. तो आनंद, ते समाधान म्हणजेच प्रेम. भगवान श्रीकृष्णांच्या विचारांचा आधार घेतला तर प्रेम हे मिळवण्यासाठी किंवा गमावण्यासाठी नसून ते जगण्यासाठी आहे, अशी सुंदर भावना त्यातून व्यक्त होते. प्रेम हा आयुष्यातील एक सुंदर अनुभव आहे. मात्र प्रत्येक प्रेमकहाणीचा शेवट विवाहातच होईल असं नाही. ज्या व्यक्तीवर आपलं प्रेम आहे, तिच्यासोबत आपलं लग्न होईलच याची खात्री नसते. काही वेळा परिस्थिती, कुटुंब, सामाजिक बंधने किंवा इतर कारणांमुळे दोन व्यक्तींना एकत्र येणं शक्य होत नाही. अशा वेळी योग्य ती तडजोड स्वीकारण्याची मानसिकता असणंही गरजेचं आहे. लग्न होणार नाही म्हणून प्रेम करणं सोडून देणं, हे त्या भावनेचा अपमान करण्यासारखं आहे. प्रेमाचा अर्थ केवळ लग्न किंवा शारीरिक सुख नसून एकमेकांच्या भावनांचा आदर, विश्वास, जिव्हाळा आणि काळजी हा आहे. त्यामुळे जोपर्यंत एखादं नातं आपल्या आयुष्यात आहे, तोपर्यंत ते मनापासून जपण्याचा प्रयत्न करायला हवा. परिस्थिती कठीण झाली तर परिस्थितीशी तडजोड करायला शिकणं आवश्यक आहे. कारण माणसाचं आयुष्यच असं आहे की अनेक गोष्टी स्वीकारल्याशिवाय आणि काही वेळा तडजोड केल्याशिवाय पुढे जाता येत नाही. प्रेम मिळालं नाही म्हणून आयुष्यातील आनंद संपतो, असं अजिबात नाही. ज्या व्यक्तीवर कधीतरी मनापासून प्रेम केलं, त्या व्यक्तीच्या चांगल्या आठवणी आयुष्यभर मनात जपून ठेवता येतात. तिच्यासोबत लग्न झालं किंवा नाही झालं, तरी त्या व्यक्तीबद्दल मनात आदर ठेवता येतो. एखाद्या व्यक्तीसोबत लग्न होईल या एकाच आशेने प्रेम करू नका. प्रेम करताना समोरच्या व्यक्तीला मिळवण्यापेक्षा तिला समजून घेणं आणि तिच्या भावनांचा आदर करणं अधिक महत्त्वाचं आहे. आपल्या समाजात विवाह हा अनेकदा कुटुंबाच्या संमतीने आणि परिस्थितीचा विचार करून ठरतो. त्यामुळे प्रेमविवाहाला विरोध असो किंवा परिस्थितीमुळे आलेले अडथळे असोत, प्रेम करणाऱ्या व्यक्तीने वास्तव स्वीकारण्याची ताकदही ठेवायला हवी. ज्याच्यावर प्रेम आहे, त्याच्यासोबत लग्न झालं तर ते नक्कीच सर्वोत्तम असेल आणि त्यासाठी प्रयत्नही केले पाहिजेत. पण ते शक्य झालं नाही, तर समोर येणाऱ्या परिस्थितीला धैर्याने सामोरं जाणंही तितकंच महत्त्वाचं आहे. प्रेम टिकवण्यासाठी आयुष्यभर एक गोष्ट जपली तरी ती पुरेशी आहे—त्या व्यक्तीचा मनापासून आदर. प्रेमाबद्दल लिहिण्यासारखं खूप काही आहे. प्रत्येकाच्या प्रेमाची कहाणी वेगळी असते, प्रत्येकाच्या भावना वेगळ्या असतात. मात्र प्रेमाचं खरं सौंदर्य हे कोणाला मिळवण्यात नाही, तर एखाद्या व्यक्तीच्या मनात आपल्यासाठी असलेल्या भावनेचा आदर करण्यात आहे. प्रेम करा, प्रेम जगा आणि प्रेमाचा आदर करा…! 💞

जळगाव जिल्हा ठरतोय सक्षम भागीदार$1 ट्रिलियन अर्थव्यवस्थेकडे वाटचाल आज जिल्हाधिकारी तथा जिल्हा दंडाधिकारी आयुष प्रसाद यांच्या अध्यक्षतेखाली जिल्हा प्रकल्प व कार्यक्रम व्यवस्थापन युनिट (DPPMU) मार्फत महत्त्वपूर्ण आढावा बैठक पार पडली. महाराष्ट्राच्या $1 ट्रिलियन अर्थव्यवस्थेच्या ध्येयपूर्तीसाठी जिल्हा जळगावातील यंत्रणांच्या कामगिरीचा सखोल आढावा या बैठकीत घेण्यात आला. आजच्या बैठकीतील प्रमुख मुद्दे:• कृषी, आरोग्य, पर्यटन, वैद्यकीय सुविधा, उद्योग, वीज, जलव्यवस्थापन, शिक्षण आदी १६ क्षेत्रांतील प्रगतीचा तालुका स्तरावर आढावा.• जिल्हास्तरावर संस्थात्मक बांधणी (Institution Building) आणि गुणवत्तापूर्ण सेवा केंद्रांची निर्मिती या दिशेने मार्गदर्शन.• विभागीय समन्वय वाढवणे, कामांच्या वेळेत पूर्ततेसाठी नियोजन, व संकल्पनांची अंमलबजावणी यावर भर.• डेटा आधारित धोरणनिर्मितीसाठी विश्लेषण व प्रगती निर्देशांक तयार करण्याचे निर्देश. महत्त्वाच्या आगामी बैठका:• District Innovation Council ची बैठक – नाविन्यपूर्ण उपक्रमांची निवड व प्रोत्साहन.• Skill & Employment Conclave – कौशल्य विकास संस्था, उद्योग व तरुण यांच्यात समन्वय.• Export Branding Workshop – जळगावातील केळी, सोने, कापूस, प्लास्टिक यांचा आंतरराष्ट्रीय ब्रँडिंगसाठी विशेष योजना.• Infrastructure Taskforce बैठक – वीज, पाणी, इंटरनेट कनेक्टिव्हिटी, वाहतूक व पायाभूत सुविधा या क्षेत्रांवर लक्ष. प्रगतिपथावर असलेले महत्त्वाचे उपक्रम:• जळगाव वैद्यकीय हब – आरोग्य सेवांमध्ये खाजगी गुंतवणूक व तांत्रिक पायाभूत सुविधा निर्माण.• केळी क्लस्टरचा विकास – निर्यातक्षम व प्रक्रिया आधारित सुविधा उभारणी.• पशुसंवर्धन क्लिनिक आणि डायल 1962 सेवा – पशु वैद्यकीय आपत्कालीन सेवा अधिक प्रभावी करणे.• MSME व SHG सक्षमीकरण – वित्त, प्रशिक्षण, मार्केट लिंक यामध्ये सहकार्य.• पर्यटन विकास – सापुतडा डोंगररांगा, धार्मिक व सांस्कृतिक स्थळांचा विकास.• शाश्वत शेती व जल व्यवस्थापन – सूक्ष्म सिंचन, जलसंधारण, आणि नवा जल व्यवस्थापन मॉडेल. 📊 DPPMU (District Project & Program Monitoring Unit) मार्फत या सर्व योजनांचा सातत्याने आढावा घेतला जात आहे. यातूनच “Vision to Action” चा खरा अर्थ पूर्णत्वास जातो आहे. जळगाव जिल्ह्यातील प्रत्येक नागरिक, संस्था, उद्योजक आणि तरुणांनी या परिवर्तनामध्ये आपली भूमिका बजावावी. तुमचे कल्पक विचार, सहकार्य आणि पुढाकारच जिल्ह्याला राज्यात आदर्श बनवतील.

जामनेर, प्रतिनिधी : हिंदवी स्वराज्याचे संस्थापक छत्रपती शिवाजी महाराज यांना घडविणाऱ्या राष्ट्रमाता राजमाता जिजाऊ माँसाहेब यांच्या पवित्र स्मृतींना अभिवादन करण्यासाठी दिनांक १५ ते १७ जून २०२६ दरम्यान “राष्ट्रमाता जिजाऊ महाअभिवादन यात्रा २०२६” चे भव्य आयोजन करण्यात आले आहे. जिजाऊ माँसाहेबांचे जन्मस्थळ असलेल्या ऐतिहासिक सिंदखेडराजा येथून यात्रेला प्रारंभ होणार असून किल्ले रायगडाच्या पायथ्याशी असलेल्या पाचाड येथील त्यांच्या समाधीस्थळी यात्रेची सांगता होणार आहे. राजमाता जिजाऊ माँसाहेब यांचे माहेरचे वंशज तथा जाधव घराण्याचे वारसदार शिवाजीराजे जाधव यांच्या मार्गदर्शनाखाली ही ऐतिहासिक यात्रा आयोजित करण्यात आली आहे. महाराष्ट्रातील विविध भागांतील शिवभक्त, इतिहासप्रेमी, शिवकार्यकर्ते आणि युवक मोठ्या संख्येने या यात्रेत सहभागी होणार आहेत. राष्ट्रमाता जिजाऊ यांच्या विचारांचा जागर, शिवचरित्राचा प्रचार-प्रसार आणि स्वराज्याच्या मूल्यांचे संवर्धन हा या यात्रेचा प्रमुख उद्देश आहे. विदर्भ, मराठवाडा, खानदेश, पश्चिम महाराष्ट्र आणि कोकण या भागांना जोडणारी ही यात्रा सांस्कृतिक आणि ऐतिहासिक एकात्मतेचा संदेश देणार असल्याचे आयोजकांनी सांगितले. जळगाव जिल्ह्यासह जामनेर तालुक्यातील सर्व शिवप्रेमी, शिवभक्त, युवक, महिला तसेच विविध सामाजिक संघटनांनी या ऐतिहासिक महाअभिवादन यात्रेत मोठ्या संख्येने सहभागी व्हावे, असे आवाहन यात्रा समन्वयक राहुल चव्हाण व कैलास पाटील यांनी केले आहे. राष्ट्रमाता जिजाऊ यांच्या कार्याचा गौरव आणि स्वराज्याच्या प्रेरणादायी इतिहासाचे स्मरण करून देणारी ही यात्रा राज्यभरातील शिवप्रेमींसाठी एक ऐतिहासिक पर्व ठरणार असल्याची भावना व्यक्त केली जात आहे.